الأحد، 17 مارس 2013

وظائف بنك ناصر الاجتماعي في مجال الامن والخدمات التابع لوزارة التامينات والشؤن الاجتماعية في كل محافظات مصر

وظائف بنك ناصر الاجتماعي في مجال الامن والخدمات التابع لوزارة التامينات والشؤن الاجتماعية في كل محافظات مصر

المرفقات

أسم الوظيفة

معاون خدمة

جهة العمل

بنك ناصر الاجتماعي

كود الوظيفة


نوع الوظيفة

أمن وخدمات

اسم الوزارة

وزارة التأمينات والشئون الإجتماعية

الوصف العام للوظيفة

العمل بالمركز الرئيسي وفروعه بالمحافظات الاتية :-
  • الغربية  12
  • بني سويف  2
  • اسيوط  3
  • سوهاج  4
  • الاقصر  2
  • اسوان  4
  • الوادي الجديد  1
  • شمال سيناء  1
  • البحر الاحمر  2
  • المنوفية  2
  • القاهرة  27
  • الجيزة  5
  • القليوبية  2
  • الاسكندرية  4
  • الاسماعيلية  2
  • بورسعيد  1
  • البحيرة  3
  • دمياط  4
  • كفر الشيخ  3
  • الدقهلية  10
  • المنيا  3
  • الشرقية  3

المهارات الأساسية

  • أن يكون المتقدم من ابناء المحافظة طبقا لبطاقة الرقم القومي
  • تأدية الخدمة العسكرية او الاعفاء منها

المهارات الفنية

  • اجتياز الاختبارات المقررة بنجاح

سنوات الخبرة


النوع

ذكر

المؤهل

الحصول على الشهادة الاعدادية

التقدير

غير مطلوب

العمر

الايقل سن المتقدم عن 18 سنة ولا يزيد عن 30 سنة في تاريخ الاعلان

تاريخ بداية الإعلان

3/3/2013

تاريخ انتهاء التقدم

18/3/2013

عدد الأشخاص المطلوبين للوظيفة

100

بيانات الاتصال والتقدم بالجهات

تقدم الطلبات باليد أو بالبريد المسجل بعلم الوصول باسم السيد مدير عام الموارد البشرية
35 شارع قصر النيل - القاهرة
ولن يلتفت الى الطلبات المقدمة قبل الاعلان او بعد انتهائه

المستندات المطلوبة

  1. صورة شهادة المؤهل (الاعدادية)
  2. صورة شهادة الميلاد
  3. صورة شهادة تأدية الخدمة العسكرية او الاعفاء
  4. صورة الرقم القومي

الاثنين، 11 مارس 2013

الاسئلة الهندسية الشائعة اللي يسأل بها مهندس الميكانيكا

ده مثال للأسئلة الجميلة السهلة اللى بتتسئل فالانترفيو او المقابله يعنى
توكلنا على الله:-
pump classifications?
what`s NPSH?
what`s cavitation?
modes of heat transfer?
what are the reasons of engine overheating?
difference between 2 and 4 stroke engines?
types of mechanical seals ?
what are the boilers types ?
draw rankine cycle?
what are types of gears?
what are the types of bearing?
what are the classes of fire?
what are the extinguishing agent for each class?
what is the function of gokey pump?
draw the centrifugal pump characterstic curve?
what are the types of pump impellers?
what is the centrifugal pump oerating principle?
WebRepOverall rating
WebRepOverall rating

اسئلة الانترفيو لشركات الادوية

اسئلة الانترفيو لشركات الادوية


حبيت ابدا كلامى من البدايه خالص من اول عمل ال C.V
وحتى عمل المقابله النهائيه ان شاء الله



في كام حاجه كده مهمه ف السي في لازم ناخد بالنا منها واحنا بنعمله



1- طبعا لازم يكون منظم وشيك بس بالاضافه لده لازم يكون مختصر يعنى الناس اللى بتعمل سي في صفحتين وتلاته ده مش شيء كويس ولا حاجه بالعكس خير الكلام ما قل ودل وبكلمتين ممكن نختصر كل اللى احنا عايزين نقوله عشان يدل على اننا ناس فاهمه وبنعمل ال GO TO THE POINT صح

وده نموذج للسي في ممكن تحمله وتعدل فيه زى مانت عايز

C.V



2- الخبره بتتكتب من الاحدث للاقدم زى ماهو موضح بالسي في





3- حاجه مهمه جدا ومعظم الناس بتقع فيها ...لازم نراعي الدقه المتناهيه ف كتابة السي في

يعنى فى ناس تكتب ف اللغه الانجليزيه FLUENT وده طبعا غلط جامد جدا

لان ده معناه انك بتتكلم انجليش زى ولاد البلد بالظبط وده مش بيحصل
يفضل تكتب جيد جدا احسن عشان محدش يمسك عليك غلطه وكذلك بالنسبه للخبره ف الكمبيوتر والاوفيس





دى تعتبر اهم حاجه الناس بتدقق عليها ف السي في

ونيجي بعد كده للاسئله

قبل اى حاجه خالص لازم حسن المظهر والثقه العاليه يكونوا موجودين قبل اى مقابله
وتكون هادى ومتخليش اللى قدامك يحاول يعصبك مهما كان بس مش معنى كده انك تكون بارد لازم تبين انك ليك رد فعل بس يكون بثقه وبودن عصبيه



A- اسئله عامه

ودى بيتسال فيها اى حد سواء كان اشتغل دعايه قبل كده او لأ



1- قوللى success story عملتها ف حياتك



وده من اشهر اسئلة المقابلات واهم حاجه انك تكون محضر حاجه انت نجحت فيها جدا جدا وتكون سابت علامه ف حياتك ويكون محدش قبلك عمل زيها قبل كده
زى انك تكون دخلت دواء مستشفي محدش عرف يدخله فيها قبل كده او اى مثال تانى



2- ايه العيوب والمميزات اللى فيك



وده برضه سؤال مشهور جدا وخلى بالك لازم تكون صريح جدا

يعنى في ناس تقولك قول كل المميزات وتقول مفيش عيوب فيا قال يعنى ده دليل على الثقه بالنفس

ده طبعا غلط جدا ده بيبقي دليل على كذبك وخداعك لازم تقول العيوب اللى فيك وبصراحه ( بس متتوصاش اوى يعنى متشردش نفسك هههههههه)
المميزات المهمه للشغل طبعا كلنا عارفينها زى النشاط والطموح والغيره على شغلك والتنظيم ف شغلك



3- اسئلة كشف الكذب



ودى بتبقي اسئله غير مباشره اللى قدامك بيحاول يعرف منها انت ممكن تكذب على مديرك او تتبع طرق ملتويه ف الشغل ولا لا ومعظمها اسئله ممكن كلنا نقع فيها بسهوله

مثال : لو انت شغال على دوا فيه side effect بسيط اوى ومش مضر تماما بصحة المريض زى زياده طفيفه جدا ف النبضات مثلا ونادرا ما يظهر على المريض

هتقول للطبيب عليه ولا لأ

طبعا بدون تردد حضرتك هتقول لا طبعا مادام هو عرض جانبي بسيط عشان الدكتور ممكن يخاف وميكتبش الدواء

وقعت يا حلو : هيقولك افرض جه المريض اشتكى للدكتور من الحاجه دى والدكتور خاف ودخله عنايه مركزه مش لو كنت قلتله م الاول كان زمانه عرف وطمن المريض وثقته فيك زادت ..كده انت خسرت الراجل
الصراحه مهمه مهما كانت



4- سؤال مهم :

هيقولك افرض انت كان عندك مقابلتين ف يوم واحد وجينا احنا اتصلنا بيك احنا والشركه التانيه ف نفس اليوم وكل واحد فينا اداك offer والشركتين زى بعض ف كل حاجه ما عدا الراتب هما اكتر مننا هتروح فين



طبعا حضرتك هتقول هاجى معاكم طبعا انتو احسن وانتو اكبر والشركه فيها استقرار

هيقولك لا احنا الاتنين زى بعض ف كل حاجه مفيش فرق غير الراتب

ساعتها اوعى تتردد... قول هروح معاهم طبعا ... كلنا بنشتغل عشان الفلوس ومادام هما زيكم وعرضهم احسن هروح معاهم

ده هيبقي دليل على صراحتك لان ده شيء طبيعي واللى بيعمل معاك المقابله نفسه لو جاله عرض احسن ف شركه تانيه هيروح .. والله انا كان عندى اتنين مديرين كل واحد فيهم ساب الشركه وراح مكان احسن ههههههههه
بس لازم تضيف حاجه تقول لو انا اديتكم وعد وقولتلكم ان معاكم ساعتها مش هخلف وعدى عشان تبين انك انسان محترم



5- سؤال للى مشتغلش دعايه قبل كده



هيديك اى حاجه تعبانه زى قلم قديم او موبيل قديم ويقولك بيعهولى

اهم حاجه ف عمليه البيع انك تعرف اللى قدامك ال needs بتاعه ايه ف الاول قبل ما تعرض عليه الحاجه دى

وتقوله جمله حلوه اوى...يعنى لو حضرتك لقيت حاجه بالمواصفات دى هتشتريها
هيقولك اه طبعا... كده انت زنقته .. تقوم تعرض عليه المميزات اللى ف الموبيل مثلا واللى تتوافق مع احتياجاته كده هو ادبس واشترى غصب عنه



6- لو حد طلب منك هديه معينه عشان يمشيلك شغلك هتعمل ايه



طبعا الاجابه معروفه بس الاهم منها سببها

هتقول لا طبعا ومش عايز منه شغل والشغل مش هيقف على شخص واحد وفي غيره كتير
وتانى حاجه تقول ماهو لو لبيت طلبه بكره يطلب طلب اكبر وبعده طلب اكبر واكبر



7- سيبت شركتك القديمه ليه او عايز تسيبها ليه



ده سؤال للاسف معظمنا بيجاوبه غلط بانه بيقعد يعدد ف عيوب شركته القديمه

اهم شيء نتكلم عن اى مكان اشتغلنا فيه قبل كده باحترام شديد مهما كانت عيوبهم

والعيوب المسموح ذكرها واللى اى حد ممكن يتقبلها وميمسكهاش عليك غلطه انك تقول

والله المرتب ضعيف شويه وومش بناخد training كويس ف حبيت اشتغل ف شركه تكون مدرسه استفيد منها واتعلم فيها
انا عن نفسي قلت الكلام ده ف شركتى اللى انا فيها دلوقت بس اضفت على كده انهم كانوا ناس محترمين واتعلمت منهم حاجات كتير برضه وياريت تكون سايب ذكرى حلوه ف شركتك القديمه عشان لو اتصل بحد منها ...مكن ده يحصل



8- ايه اللى ممكن تضيفه بشغلك معانا للشركه



ده سؤال صعب شويه بس الاجابه عليه لازم تكون منظمه

هتقول انا طبعا الحمد لله طموح جدا وبحب شغلى وغيور عليه جدا واظن ان مفيش حد كتير كده اليومين دول

واهم حاجه انى احاول ان شاء الله احقق اللى محدش قبلي حققه

هيقولك زى ايه

هتقوله انى اكتشف اماكن جديده ممكن يتباع فيها الدواء بتاعى مكنش حد بيبع فيها قبل كده

واهم حاجه انك تحقق ال target وتعمل growth كمان يعنى تبيع اكتر من السنه اللى فاتت

يعنى لازم تكون عارف تارجتك كويس وبيع السنه اللى فاتت عشان تعديهم

وحاجه مهمه برضه انك لازم تكون عارف بيع ال competitors بتوعك وايه الاماكن اللى هما بايعين فيها وانت مش بايع
وهى دى الطريقه اللى ممكن تكتشف بيها اماكن جديده



9- هيقولك مكان حسابه مقفول مع الشركه ومش بنبيعله هتعمل فيه ايه



اوعى تقول هبدل ...يبقي قفلت الانترفيو من قبل ما يبدا

الجواب بسيط جدا انت هتعمل اللى عليك وتشتغل وتعمل prescription عاليه عشان تضغط على الصيدلي يشترى دواك
ولو مشترهوش ييجي دورك بعلاقتك الكويسه وخفة دمك وال FOLLOW UP بتاعك انك تقنع الراجل يجيب الدوا بتاعك مهما كان



10- سؤال مهم جدا



عندك 3 دكاتره كل واحد بيشوف 10 حالات واحد بيكتبلك 8 والتانى 6 والتالت 2 هتعمل معاهم ايه هتزور مين اكتر وليه

السؤال ده مهم جدا لانه هيبين طريقة تفكيرك

في ناس كتير تقولك هزور اللى بيكتب 8 اكتر عشان ده هو اساس شغلى وهو اللى بيجيبلي ال target

ده كلام سليم واللى بيكتب اتنين هزروره مرتين ف الشهر عشان مش بيجيب شغل كويس ده كلام مش سليم

هنا لازم تقول كلمه حكمه ان اللي بيكتب اتنين ده هو اكبر فرصه ليك عشان يعملك growth
انت بتحدد ال potentiality بتاع الطبيب من حاجتيتن .. عدد الروشتات اللى بتطلع منه .. وبيكتبلك منهم اد ايه وطبعا كلنا عارفين التقسيمه بتاعتهم



11- طبعا من اهم الاسئله والمشهوره جدا هتحرق ولا لأ



الاجابه برضه معروفه بس اهم حاجه التفسير... لازم تقول انك راجل مجتهد وتقدر تجيب شغلك بنفسك ومش محتاج تحرق
هيقولك انت مش محقق يا بندق .. قوله المندوب الشاطر يقدر يبيع من اول السنه وميزنقش نفسه وعارف هو المفروض يبيع كام من اول السنه وربنا ميجيبش شر ...هههههههه



12- سؤال تانى صعب جدا جدا



ممكن يقولك لو حد من زمايلك شفته مش بيشتغل او بيعمل حاجه غلط ف الشغل زى انه بيحرق مثلا هتيجي تبلغنى ولا لأ

طبعا الاجابه الصح للاسف انك تقول هبلغ عنه

بس انا عن نفسي اتسالت السؤال ده ف واحد من اكبر الشركات وقلتلهم مش هبلغ طبعا انا هقعد معاه وانصحه واقنعه ان ده غلط

وطبعا متقبلتش والراجل قالي ف سره طريقك صحراوى يا حج ...هههههههههه... بس بيني وبين نفسي كنت مستريح
بس لو عايز تحرجه بقه بجد... قوله المفروض مديرنا يعرف الحاجات دى من نفسه لان دى شغلته هو مش شغلتى انا وانا احب اركز ف شغلى وبس





13-اشهر سؤال واسف انه جه متاخر
رتب حسب الاهميه وليه : الشركه , المندوب , الدواء





الاجابه النموذجيه هو الترتيب ده 1- المندوب 2- الدواء 3- الشركه

طبعا المندوب هو اهم حاجه لانه هو اللى في ايديه الشغل كله ومن غيره مفيش حاجه هتم

والدواء تانى حاجه لانه الطبيب مش هيكتب دواء عشان خاطر الشركه وانما عشان المنتج كويس

ومين اللى هيوضحله ان المنتج كويس ... المندوب طبعا بشخصيته ولباقته وقدرته ع الاقناع عشان كده المندوب جه قبل الدواء

لان ممكن يبقي دواء كويس جدا ومندوب ضعيف يخلى الناس مش مقتنعه بيه

بس يبقي دواء كويس بس الطبيب يكتبه عشان خاطر المندوب اقنعه بيه
وبكده تيجي الشركه ف المرتبه الاخيره والاجابه دى على ضمانتى



14- يفضل لما تكون رايح تعمل مقابله على دواء معين انت عارفه انك تقرا ف ال MEDICAL شويه عشان احتمال كبير سالك عن المرض نفسه





15- سؤال تانى هيقولك لو اشتغلت ف مكان غير بلدك توافق ولا لا او عندك اى قيود جغرافيه ف توزيع الشغل
طبعا لازم تقول لا معنديش انا مستعد اشتغل ف اى مكان.. وبرضه ممكن تضيف انك بتفضل مكان معين عن غيره دى مش عيب خااااااااالص





16- ده بالاضافه للاسئله الخاصه بعلاقتك وشخصيتك مع الناس لازم تكون صبور وتكون مستمع جيد للى قدامك
ويكون دمك خفيف وتحافظ ع البريستج بتاعك مع الناس يعنى متجيش على نفسك عشان واحد طلب منك طلب لانك صوره لشركتك



طبعا في اسئله تانيه كتير ممكن تتسالها بس اجابتها منطقيه ومعروفه ودي حاجه مش مستاهل ذكرها انا حبيت اعرض عليكم الاسئله اللى ممكن ننخدع ونجاوبها غلط

بس ارجع واقول اهم حاجه الصراحه الشديده ومتخليش حد يحرجك وحاول دايما انك تكون ايجابي ومتخليش اللى قدامك يمسك الحوار طول الوقت وانت بتستقبل وبس

حاول انت كمان تساله عادى او تفتح اى مواضيع معاه عشان دى مهمه جدا ف انك بتيبنله انك راجل LEADER وانك لبق وتقدر تقنع اللى قدامك
وممكن ييجي ف الاخر يقولك تحب تسالنى سؤال.. يفضل انك متقولش لا.. خليك جريء واديله سؤال متين كده ... اشمعنى هو يعنى ما حضرتك بتتهرى اسئله م الصبح



B- Professional Questions





نييجي للاسئله اللى ممكن يتسالها اى حدا مننا كان شغال دعايه قبل كده
طبعا بالاضافه للاسئله اللى قبل كده كلها في كام سؤال بسيط كده زياده





1- طبعا اول واشهر سؤال بعد الاسئله اللى فاتت انه هيقولك اعملى CALL ع الدواء بتاعك
وطبعا انا مش هقولكم تعملو CALL ازاى بس احب افكر نفسي وافكركم ببعض الحاجات المهمه جدا



قبل ما تبدا في اى CALL اول شيء لازم تعمله انك تحضر CASE من دماغك لطبيب معين

ودى عباره عن 3 حاجات

A-Doctor Perception

اللى هى نظره الطبيب للدواء بتاعك هل هو عارفه وبيكتبه ولا عارفه ومش بيكتبه ولا مش عارفه اصلا وبيكتب دواء غيره

B- Desired Outcome

وده طبعا عباره عن هدفك اللى انت عايز توصل الطبيب ليه انك تصححله معلومه او توضحله حاجه هو عايزها منك

C- Needed Action

ودى هى الطريقه اللى هتعملها عشان توصل لهدفك زى انك تعرض عليه دراسه ع الدواء بتاعك مثلا تخليه يقتنع بدواك اوى





صدقنى لو كلنا بدانا ال call كده يبقي الباقي سهل

وطبعا باقي ال call مهم جدا واهم حاجه فيه how to handle dr. objections

ودى طبعا كلنا عارفين نعملها ازاى بس لازم نكون مستعدين لاى اعتراض من الطبيب
بس لازم نكون good listenerطبعا





2- سؤال تانى ممكن يقولك ايه اهم حاجه ف ال call انت شايف انها ممكن تقنع الطبيب ب دواك

من وجهة نظرى ان اول حاجه معرفة ال needs بتاع الطبيب

و اهم حاجه
how to handle his objection in a proffessional style & how to take commitment





3- ايه اللى بيميزك ف شغلك عن غيرك وازاى تقدر تحقق ال target بتاعك

وده نفس السؤال اللى ممكن يقولك فيه ايه اللى ممكن تضيفه للشركه وازاى

طبعا احنا قلنا قبل كده ايه اللى ممكن تضيفه
اما ازاى دى ف طبعا عشان انت راجل خبره لازم ساعتها تخلى ادامك 3 حاجات هى سر نجاحك ف شغلك



A- Sales Review



ودى طبعا زى ماكلنا عارفين عباره عن البيع بتاعى شهر بشهر وبيع السنه اللى فاتت شهر بشهر

وال TAREGET بتاعى اكون مقسمه شهر بشهر او كل 3 شهور
دى طبعا عشان تبين انك راجل منظم وتعرف تحقق اهدافك ازاى



B- Bussiness Plan



طبعا لازم تكون عامل جدول لبيع الدواء بتاعك وبيع ال competitors عشان تبين انك عارف السوق ماشي ازاى
وانك واعى لكل اللى حواليك وتقدر تحسب ال Market Share بتاعك



C- Forcast



ودى طبعا الحاجه اللى مسببالنا التعاسه الابديه ف شغلنا ...ههههههههههه
بس نعمل ايه لازم تبين انك محدد انك هتبيع كام وامتى وفين عشان تبين انك راجل محترف


لو حددت ال 3 حاجات دى ف كلامك يبقي انت كده راجل عارف هو عايز ايه وهيعمل ايه


وارجع واقول تالت ان اهم حاجه الثقه والكلام بهدوء عشان منغلطش كتير والصراحه الشديده





هنقول بعدها جالك تليفون من الشركه : الو .. ايوه يابطل... استعد انت عندك

full day assessment

و ده بيبقي final interview و غالبا بيبقي ف مقابلات الشركات المالتى ناشيونال وف السفر للخارج
يا ترى ايه هو ال full day assessment





طبعا باين من اسمه

هو عباره عن مقابله طويله من الصبح للمغرب تقريبا مع حوالى اربعه من ال top managers
وده بيحصل لما يتوافق على اكتر من واحد ويبقوا عايزين يا خدوا منهم عدد معين



Full Day Assessment

1-Intellegence Questions



ودى عباره عن اختبار ذكاء غالبا ما يكون عباره عن مسائل حسابيه تحتاج لسرعه ف الحل

بيديك معطيات كتير ف الاول وبعدين اسئله عليها... الموضوع مش انك تحل بسرعه وده الغلط اللى بيقع فيه كل الناس

اولا هو بيديك مثلا 60 سؤال ونص ساعه زمن الحل ...كده نظريا وعمليا مستحيل تخلص كل الاسئله

ومش الصح انك تحل بسرعه عشان تحل اكبر عدد ممكن من الاسئله ... لأ
الصح انك تختار الاسئله السهله اللى تحلها لانه غالبا بيحطلك اسئله طويله ف الاول تعطلك ... ف انت ببساطه اى سؤال طويل فوته بدون تردد وخش ف اللى بعده عشان تحل اكبر عدد ممكن... انما اللى بيحل بالترتيب بيكتشف ف الاخر انه حل عدد قليل جدا من الاسئله



2- Language Questions



ودى ببساطه اسئله عامه ف اللغه الانجليزيه لازم حضرتك تكون مستعدلها كويس
وبتبقي عباره عن paragraph وعليه اسئله عشان تبين تمكنك من اللغه



3- Round Table Discussion



ودى بقي اصعب جزء ف المقابله بيخليك تقعد مع زمايلك اللى بيعملوا المقابله معاك ف نفس اليوم ويديكم topic معين ويقولولكم اتكلموا مع بعض فيه

ساعتها لازم يكون عندك مباديء تمشي عليها
لازم تكون leader وتشارك بفعاليه ف الموضوع وتحاول انك تكون الوسيط بينهم وتجمع بين افكارهم وتضيف فكرتك ف الاخر ويا سلام لو انت اللى تقفل الموضوع يبقي انت كده بقيت ال prince بتاع القعده



4- Case Study



ودى اطول جزء ف اليوم
بيديك case لوضع معين للدواء بتاعك ف السوق ويديلك كل المعلومات عن ال market ف ملف ممكن يوصل لعشرين صفحه وبيديك حوالى ساعه ونص تقرا فيه الملف وساعه ونص بعدها تحضر في presentation تكتب فيها حل المشكله اللى مديهالك وبعدها يا بطل يديك نص ساعه تقوم تعرض ال presentation بتاعك ادام حضرات المديرين





طبعا اهم حاجه وانت بتتعامل مع ال case اللى قدامك انك تحدد ال potentiality بتاع الدكاتره وتحدد عدد زيارات لكل واحد وتحدد هتحل مشكلتك ازاى بطريقه professional ودى طبعا هتيجي من خبرتك ف التعامل مع المشاكل اللى قابلتك قبل كده

اهم حاجه وانت بتعرض الpresentation تكون واثق من نفسك وتتكلم بهدوء و ياريت الانجليش بتاعك ميكونش فيها اخطاء لغويه خالص
ومهم جدا انك تكون محدد اهدافك ف السوق اللى لازم تكون طموح فيها وتكون واقعي ف نفس الوقت وتكون محدد نفسك بزمن معين عشان تبين انك راجل منظم



5- call

ممكن يخليك تعمل call تانى ف اخر اليوم بس مش ف كل الاحيان







كده اكون جمعت ليكم معظم الحاجات المهمه ف المقابلات

بعد كده حضرتك تستنى التليفون العظيم

الو ايوه يا بطل ... انت عبرت القنال .. الف مبروك ... تعالى عشان تنضم للقوات

الأحد، 10 مارس 2013

شركات السفريات المحظور التعامل معها

المصدر : وزارة القوي العامله والهجره

شركات السفريات المحظور التعامل معها

قد تم إيقاف التعامل مع الشركات التالية لمخالفة هذه الشركات أحكام قانون العمل رقم 12 لسنة 2003 والقرار الوزارى رقم 135 لسنة 2003 باللائحة المنظمة لمزاولة عمليات إلحاق المصريين بالعمل فى الخارج والداخل :-

الشركــــــــــــــــــــة العنـــــــــوان

شركة مصر الأردن لإلحاق العمالة المصرية ترخيص563 شركات بتاريخ 19/2/2007 6 ش زكريا خليل – مساكن شيراتون النزهة – القاهرة

شركة الحسن لإلحاق العمالة المصرية بالخارج ترخيص 451 شركات 18 حسين حجازى – القصر العينى – شقة 1- السيدة زينب

شركة المنياوى لالحاق العمالة بالخارج ترخيص 216 شركات 281 محمد طلعت – العجوزة -الجيزة

شركة اوليفيا لالحاق العمالة ترخيص 327 شركات برج اسماء شقة 104 ابراج السعد – المريوطية – الهرم – الجيزة

شركة الشنديدى العمالة بالخارج ترخيص 547 شركات 2 ش الجمهورية برج الشنديدى – ايتاى – البارود

شركة السلام لإلحاق العمالة بالخارج ترخيص 520 شركات 70 ش الجمهورية – شقة 18 الدور السادس – الازبكية – القاهرة

شركة المصرية الخليجية لإلحاق العمالة ترخيص 550 شركات تعاونيات سموحة – ع 101 الدور 4 – سيدى جابر – الاسكندرية

شركة عبر العالم لإلحاق العمالة المصرية ترخيص 514 شركات 66 ش ابوالمعاطى شقة 6 – كورنيش النيل – العجوزة – الجيزة

شركة جوهرة المدينة لإلحاق العمالة المصرية ترخيص 89 شركات 20ش حسن ملمون عمارات شرارة بجوار النادى الاهلى – مدينة نصر – القاهرة

شركة الفجر الجديد لإلحاق العمالة المصرية ترخيص 657 شركات 52 ش النزهة عمارات رابعة الاستثمارى – مدينة نصر – القاهرة

شركة تاسك بارتتر لالحاق العمالة المصرية ترخيص رقم 567 شركات 63أ ابو داود الظاهرى – مكرم عبيد ش 23 – مدينة نصر – القاهرة

شركة الشرفاء لإلحاق العمالة المصرية بالخارج ترخيص رقم ” 484 ” شركات

شركة الشفق لإلحاق العمالة المصرية بالخارج ترخيص رقم “424″ شركات

شركة الصفوة الجديدة لإلحاق العمالة المصرية بالخارج ترخيص رقم “526″ شركات

شركة ريم العالمية لإلحاق العمالة المصرية بالخارج ترخيص رقم “842″ شركات

شركة انترناشيونال كونتركت لالحاق العمالة بالخارج ترخيص رقم ” 647 ” شركات

شركة أرابيا لإلحاق العمالة بالخارج ترخيص رقم ” 824 ” شركات

شركة الصعيدى الدولية لإلحاق العمالة بالخارج ترخيص رقم ” 665 ” شركات

/========================================

بيان بالشركات المحظور التعامل معها بالخارج و مازالت سارية حتى تاريخه:- المملكة العربية السعودية :
شركة التوفيق للسيارات – صاحبها : عبد العزيز سراج كعكي بتاريخ 22/8/1994 جده
مجموعة الصانع الدولية – صاحبها : منصور محمد عبد الرحمن الصانع بتاريخ 8/9/1994 جده
مركز لورد ليس للتجميل – صاحبها : الاميرة/ مامية الشاذلي وزوجها الامير / بندر وأبنة الامير/ سليمان بن بندر بتاريخ 15/7/1998 الرياض
مركز التقنية الهندسية للمقاولات وتم تغير الاسم الى / المؤسسة التعميرية للمقاولات للتحايل – صاحبها : منصور عبد الله الشتري بتاريخ 15/7/1998 الرياض

مؤسسة زهرة المدائن – صاحبها : مسعد هاشم الغمراوي وأبنه هاشم بتاريخ 20/11/1999

المدينة المنورة
مستوصف ومركز دانيا للكمبيوتر – صاحبها : باتل مبارك الفزي بتاريخ 4/8/1999 جده
مستشفى الدكتورة/ صديقة كمال باشا – بتاريخ 3/7/2000 جده
مؤسسة البراء – صاحبها : عبد الرحمن القرشي بتاريخ 3/7/2000 جده
المركز العربي للسلامة والامن الصناعي – صاحبها : رشاد صقر بتاريخ 24/3/2001 جده
مؤسسة دانيا للانشاءات والتجارة – صاحبها : سليمان بن محمد بن جلوى الصقعبى بتاريخ 12/5/2001 الرياض
مؤسسة / مساعد فالح المطيري للتجارة والمقاولات – بتاريخ 12/11/2001 أبها- عسير
مؤسسة /مربع نهاي المطيري – بتاريخ 25/11/2001 جده
مؤسسة /علي قبسون الزهراني – بتاريخ 31/3/2002 أبها
مؤسسة أحمد ناجي عبد الرازق – بتاريخ 23/9/2002 جده
مؤسسة زهوان للمقاولات والتجارة – صاحبها : معيض يحي القحطاني بتاريخ 29/9/2004 أبها
مركز تجميل “بيوتي كير” – صاحبها : نورا محمد ثنيان بتاريخ 21/9/2005 السلمانية الرياض
مشغل وكوافير (لبنى) – صاحبها : لبنى الزامل بتاريخ 21/9/2005 حي المنار- الرياض
مزارع رابغ للدواجن (معدى مدخل موسم السلمى ) – بتاريخ 10/1/2005
مؤسسة مركز الشبكة الحديثة للمقاولات – صاحبها : حسن عبدالله الزهراني بتاريخ 7/8/2007 الرياض
المكتب العالمي للخدمات والاستشارات الهندسية – صاحبها : ناصر محمد عبد السلام بتاريخ 20/9/2007 الرياض
شركة صناعة العزل العربية المحدودة(عوازل) – المدير التنفيذى : إبراهيم الصقير بتاريخ 9/8/2006 الرياض
سعيد بن محمد محفر القحطانى ، تركي بن سعيد محمد القحطاني بتاريخ 30/12/2008 الرياض
مجموعة مستوصفات (اسيا الطبي- الدار البيضاء- شهد- أميرة ) – صاحبها : فهد عبد العزيز الكثيري بتاريخ 6/1/2009 الرياض
مركز التقنية الهندسية للمقاولات وتم تغير الاسم الى / المؤسسة التعميرية للمقاولات للتحايل – صاحبها : منصور عبد الله الشتري بتاريخ 27/12/2008 الرياض
مؤسسة ناصر مرشد المنيف – صاحبها : ناصر المنيف بتاريخ 29/12/2009 الرياض
مؤسسة داور المحيط الازرق – صاحبها : فهد محمد ابراهيم الشمرى بتاريخ 29/12/2009 الرياض
مجموعة الانصار الطبية – صاحبها : ابراهيم الايوبى الانصارى بتاريخ 12/1/2010 جده
شركة قزاز حسين بكرى فزاز – بتاريخ 20/1/2010 جده
خالد الدرع للتجارة والتسويق – صاحبها : الد الدرع سليمان الدرع بتاريخ 14/1/2010 الرياض
شركة ينابيع الوادى – صاحبها : صقر محمد صقر بتاريخ 11/2/2010 الرياض

مؤسسة سعد محمد الدولاب بتاريخ 5/7/2011 الرياض

مستشفى عبدالله صائم الدهر لصاحبها / عبدالله صائم الدهر بتاريخ 13-7-2011 جده

شركة احمد محمد عبدالوهاب الناعى ( وكيل شركة فايزر للادودية بالمملكة ) بتاريخ 25-12-2011

امستوصف المصيف الطبى ( سلطان عبدالله محمد الفرائضى ) 11-1-2012

شركة البسامى لصحابها محمد محى البسامى بتاريخ 21-2-2012

شركة رياض الصالحين التعليمية بتاريخ 3-3-2012 الرياض

المؤسسة الوطنية للتنمية الاقتصادية و فروعها ( مؤسسة عمران محمد حسن حبيب – مؤسسة عامر محمد حسن حبيب – مؤسسة الواسطة التجارية خالد محمد حسن حبيب ) بتارخ 8-4-2012

شركة أم القرى لنقل الحجاج بتاريخ 27-8-2012

مستشفى بخش و مركز مكة الطبى بتاريخ 22-11-2012

شركة فارس عايد الشمرى و ناصر ابراهيم الشومر للاستشارات الهندسية 9-12-2012

مؤسسة بروج كتاب للمقاولات 9-12-2012

ليبيا

شركة الودق للبناء و الصيانة بتاريخ 9-12-2012

لبنان

ينابيع لبنان “صنين” – شركة انتربراند بتاريخ 22-11-2012

الكويت

شركة الشلال الطبيعى للتجارة العامة بتاريخ 21/5/2012

الامارات العربية المتحدة :
النابلسي لتجارة مواد البناء-خليج دبي للمقاولات-الربع الحالي للمقاولات – صاحبها : شركات المدعو/محمد عصام النابلسي بتاريخ 13/8/2008 ابو ظبي/ الإمارات
شركة أحمد فاروق حسن للصيانة العامة بتاريخ 13/2/2005 الإمارات
شركة ابن البحار للمقاولات وصيانة المباني بتاريخ 20/12/2004 الإمارات

البحرين :
مجموعة من الفنادق المشبوهة من فئة الثلاثة والاربعة نجوم منها(بوابة الخليج- الارفاح –كارلتون- مشعل-ديركسان- بحرين- انترناشيونال –الفرسان-فينسيا-أجنحة الخليج –دلمون-أرادوس-سان روك-بيسان-ميراج-كاليفورنيا) البحرين

قطر :
مركز حلب للتجارة والمقاولات بدولة قطر وفروعه بتاريخ 26/3/2003 قطر

اجراءات السفر الي السعودية

اجراءات السفر الي السعودية

اولا
انت بتروح تعمل مقابلة في مكتب السفريات
ولما ربنا بيوفقك ويرد المكتب عليك عشان يقولك انت اتقبلت في الانترفيوا
ويوقلك ابداء جهز في ورقك

ثانيا
بيقولك المكتب انت التاشيرة بتعتك هاتكون مثلا عامل ودي اسهل تاشيرة بتخلصلها ورق بس متنساش تسئل علي العقد هاتكتبوا امتي ويفضل انك تكتب العقد قبل ماتجهز الورق وعادي ممكن تكتبوا بعد الورق زي ما المكتب يحددلك
نيجي بقي لاجراءت الورق حسب نوع التاشيرة اللي جيالك
مثلا تاشيرة عامل
-بتروح سجل مدني العباسية اللي موجود في ابراج الملتقي عند ميدان العباسية وتشتري استمارة بطاقة مستعجلة ب75جنية
-بعد كدة بتروح نقابة المهن العمالية وبتختم استمارة البطاقة من هناك وبتعمل اشتراك في النقابة تقريبا 20جنية
-بعد ماتختم الاستمارة وتعمل الاشتراك بتروح تسلم الورق في سجل مدني العباسية وبتستلم البطاقة بعد 3ايام

تاشيرة المهن الغذائية
-اول حاجة في ورق التاشيرة دي بتروح مكتب العمل اللي انت تابع ليه وتقولهم انا عايز اعمل شهادة قياس مهارة لمهنة كذا عشان سفر وهايقولولك تعمل شهادة قياس مهارة وكارنية مزاولة مهنة وهاتدفع حوالة بريدية 40 للشهادة و30 لكارنية مزاولة المهنة بعد ماتدفع تروح بالوصل لمكتب العمل تاني عشان بيخدوا الوصل ويقولولك تيجي تستلم امتي الشهادة والكارنية وهاتروح تعمل شهادة صحية من الادارة الصحية اللي انت تابع ليها عشان مهنتك مهنة غذائية عشان كارنية المزاولة بيطلع بالشهادة الصحية دي وتقريبا هاتكلفك 50 جنية
وهاتروح تعمل اشتراك في نقابة المهن الغذائية العنوان مدينة نصر نادي السكة الحديد بعد البنزينة وتركبلها من موقف كلية الزراعة في مكروباصات في الاول بتروح مدينة نصر هناك وقولوا ينزلك عندو ولما توصل النقابة هايبعتك تدفع مبلغ40جنيه تقريبا لرقم الحساب التابع ليهم في بنك التنمية الصناعية وعنوانه 90ش الجلاء رمسيس بجوار قسم الاسبكية بعد ماتدفع في البنك تاخد منهم وصل وتروح بيه انقابة تاني نقابة المهن الغذائية عشان ياخد منك الوصل ويعملك شهادة العضوية وبتخدها في نفس الوقت
-بعد كده تستني لحد معاد استلام شهادة قياس المهارة وكارنية المزاولة
-بعد ماتستلم شهادة قياس المهارة وكارنية مزاولة المهنة تروح علي سجل مدني العباسية اللي موجود في ابراج الملتقي عند ميدان العباسية وتشتري استمارة بطاقة مستعجلة ب75جنية
وتستلم البطاقة بالمهنة الجديدة بعد 3 ايام وماتنساش وانت رايح تستلم تاخد البطاقة القديمة معاك عشان بياخدوها هناك
-بعد كده عقبال ماتستلم البطاقة تروح توثق شهادة قياس المهارة من مديرة القوي العاملة اللي انت تابع ليها وبعد ماتوثقها تروح توثقها من الخارجية ب11جنية عشان لو ماتوثقتش بتروح السفارة وترجع تاني ومتنساش توثق بردوا شهادة التخرج باعتك بتوثقها الاول من امين عام الجامعة وبتدفع تقريبا 10جنيه وبعد ماتوثقها من امين عام الجامعة تروح مكتب لتوثيقات الخارجية وتدفع 11 جنيه وتوثقها وبتخدها ف ي نفس الوقت
عناوين مكاتب توثيقات الخارجية
التليفون اسم المكتب العنوان
02 27942782 الادارة 7 ش لاظوغلى جاردن سيتى

02 37493554 المهندسين 59 ش جامعة الدول العربية المهندسين القاهرة

02 24837941 احمد سعيد
ش احمد سعيد أمام نادى المياه بالعباسية القاهرة

02 26336918 الميرلاند
خلف سور حديقة الميرلاند مصر الجديدة القاهرة

02 22913756 القوات المسلحة
أمام سينما طيبة رابعة العدوية مدينة نصر القاهرة
خاص بأفراد القوات المسلحة

02 27925967 غرفة القاهرة
الغرفة التجارية بالقاهرة ميدان باب اللوق
خاص بالتصديقات التجارية فقط

02 35721761 غرفة الجيزة
الغرفة التجارية بالجيزة ميدان الجيزة
خاص بالتصديقات التجارية فقط

03 5855565 الإسكندرية
عمارة الأوقاف سان استيفانو الدور الثانى الإسكندرية

040 3346139 طنطا
مبنى ديوان عام محافظة الغربية طنطا

045 3363944 البحيرة
مبنى ديوان عام محافظة البحيرة دمنهور

055 2354367 الشرقية مبنى مجلس مدينة الزقازيق بمحافظة الشرقية

050 2521029 المنصورة
مركز طلخا بمحافظة الدقهلية

062 3228634 السويس
مدينة الحجاج بمحافظة السويس

064 3326062 الإسماعيلية
ش شبين الكوم بمنى الكفاية الإنتاجية الإسماعيلية

066 3344841 بورسعيد
مقر الغرف التجارية بجوار محافظة بور سعيد

082 333912 بنى سويف
ش عبد السلام عارف بجوار الشرطة العسكرية بنى سويف

088 2339620 أسيوط
مبنى مجلس مدينة مبارك محافظة أسيوط

097 2312691 أسوان
مبنى الحزب الوطنى ميدان المحطة محافظة أسوان

بعد متوثق شهادة قياس المهارة توثق شهادة الكلية بتاعتك مؤهلك بس الاول بتوثقها من امين عام الجامعة بتاعتك في ادارة الجامعة وبتدفع 10جنية وبعد ماتوثقها من امين عام الجامعة ببتروح توثقها من الخارجية
-بعد كده تروح تستلم البطاقة وتطلع علي اقرب جوازات ليك وتعمل باسبور بالمهنة الجديدة وتكون واخد معاك الورق التالي اصل وصورة
شهادة الجيش بتاعتك سوء مؤجل او معفي اوانهيت الخدمة
البطاقة الجديدة اصل وصورة
صورتين خلفية بيضاء ومبلغ 112 جنية تقريبا او اكتر ومن الاخر خد معاك كل الورق اللي انت عاملتوا وبتستلم جواز السفر تقريبا بعد 3ايام
-بعد كده تعمل الفيش ب8 جنيه تقريبا لحد ماتستلم الباسبور وتاخد معاك صورة شخصية بردوا وتكتب في الغرض من الفيش للسفر الي السعودية
-بعد ماتستلم الباسبور بتروح المكتب ومعاك الورق بتاعك عشان المكتب يعمل حجز علي النت في شركة انجاز لدفع تكاليف الكشف الطبي وبيديك المكتب ورقة نت فيها رقم النت بتاعك بتاع الكشف الطبي تروح بالباسبور وورقك وورق النت علي معامل وزارة الصحة لعمل تقرير طبي العنوان مترو محطة السادات شارع التحرير خلف وزارة الداخلية شارع الشيخ ريحان وبتروح هناك وبتدفع 120جنية وبتعمل التحليل وعشان تعرف النتيجة بتعتك علي النت ومتستناش 4 ايام وبتخدها عل النت وتطبعها بعد يومين بس يشترط تدفع 5 جنية وانت هناك عشان يحطولك شاهدتك علي الموقع تباعهم رابط الموقع
http://healthlabs.net/
بس ماتنساش يشترط عشان تلقي نتجتك وتطبعها انك تكون دفعة 5 جنية عشان الخدمة دي
-وبعد كده بتروح شركة جامكا عشان يبعتوك علي المستشفي الخاص اللي هاتعمل منها شهادة صحية عنوان شركة جامكا 6شارع عائشة التيمورية جاردن سيتي شارع القصر العيني امام قسم قصر النيل ولو مش هاتعرف تروح ماتقلقش هتلاقي تكاسي كتيير وقافة قدام معامل وزارة الصحة بتوديك هناك عند شركة جامكا
-لما بتوصل شركة جامكا بتديهم الباسبور ورقم النت وهم بيكتبولك هاتروح اي مستشفي مثلا مستشفي الصفا ولا الشروق او غيرها ومتقلش بردوا هاتخرج من شركة جامكا هتلاقي تكاسي كتيير واقفة بتدوديك سوء مستشفي الصفا او الشروق او غيرها عوان مستشفي الصفا مترو البحوث ثم ماكروباص وانزل شارع العراق واهتمشي شويه تكون عندها
-بعد كده بتروح بعد يومين او3 ايام تسلتم النتيجة وبعد ماتستلم النتجة
-بعد كده خد ورقك كله الباسبور والفيش وتاخد كل الورق اللي انت عملته شهادة قياس المهارة متوثقة من الخارجية وصورة من البطاقة والباسبور والشهادات الصحية بتاعة معامل وزارة الصحة وشهادة المستشفي الخاصة وتروح مكتب السفريات وتديلوا الورق ده كلوا
-ومتنساش تكتب العقد وتوثق عقد العمل من الخارجية
بالنسبة لتوثيق العقد في اغلب سفريات المكاتب بتكون المهنة في التاشيرة غير المهنة اللي انت هاتشتغلها هناك
فالمكتب هايديك عقدين صورة طبق الاصل من بعض بس الاختلاف بنهم ان واحد بالمهنة اللي في التاشيرة وده اللي بينفع يتوثق وتخلي المكتب يوثقهول من السفارة والخارجية والعقد التاني اللي بالمهنة اللي انت هاتشتغلها هناك بيكون ممضي بس ومش هاينفع توثقوا عشان مش نفس مهنة الباصبور
-وبعد كده المكتب بياخد الورق يروح بيه السفارة عشان ياخد التاشيرة
-بعد مايجيلك الباسبور وعليه التاشيرة بتروح تعمل تصريح عمل من الجوازات وتعمل تصريح سفر من منطقة التجنيد اللي انت تابع ليه ومتنساش تاخد الورق بتاعك معاك
- ودي ارقام تلفونات خدمة الاستعلام الصوتي لمنطاق التجنيد عل يالرقام التاليه
وفيما يلي أرقام تليفونات الإستعلام الصوتي :
إدارة التجنيد والتعبئة: 0226351195
منطقة تجنيد وتعبئة القاهرة والجيزة : 0226339581
منطقة تجنيد وتعبئة الإسكندرية: 034485176
منطقة تجنيد وتعبئة الزقازيق: 0552298819
منطقة تجنيد وتعبئة طنطا: 0403507824
منطقة تجنيد وتعبئة المنصورة: 0502373392
منطقة تجنيد وتعبئة أسيوط: 0882311619
منطقة تجنيد وتعبئة قنا: 0965210485
منطقة تجنيد وتعبئة المنيا: 0862295588

ومتنساش العقود والباسبور وورقك المهم تعمل منه اسكنر نسخه اسكنر طبق الاصل

ثالثا
باقي التاشيرات مثل مهن زي نجار او سباك او غيره
دي نفس الاجراءات اللي فوق بتحتاج شهادة قياس مهارة برضوا

رابعا
بعض المواقع المهمة والمفيدة للمسافرين والمغتربين للتزود بالمعلومات في اجراءت السفر
وامور عديدة

موقع وزارة الخارجية المصرية
http://www.mfa.gov.eg/MFA_Portal

موقع القوي العملة والهجرة للتعرف علي المكتب المحظور التعامل معها
والتعرف علي معلومات مفيد واجراءت سفر ومعلومات اخري
http://www.manpower.gov.eg/

موقع الارشادات للسفر في من موقع القوي العاملة والهجرة
http://www.manpower.gov.eg/elarshtat800ho.html

موقع رائع جدا يوجد بيه اي اجراءت لا عمل او شئ تقوم بيه بالسعودية للمغتربين الموجودين بالسعودي
http://www.al-jazirah.com.sa/services/index.html

موقع معامل وزارة الصحة
http://healthlabs.net/